قصة حقيقية حدثت بالفعل يوم عمري ماهنساه كنت راجع من سفر فجاءة العربية عطلت كان المكان أشبه بقرية لأن كان المكان كله أراضي جنبي بس الغريب ان مفيش غير بيت

يوم عمري ماهنساه كنت راجع من سفر فجاءة العربية عطلت مني وتقريبآ كان فاضل ع الفجر ساعة

كان المكان أشبه بقرية لأن كان المكان كله أراضي جنبي بس الغريب ان مفيش غير بيت واحد ف الأراضي دي بعيد عني لكن شايفة لأن هو تقريباً اللي موجود في المكان ده بالذات والفون بتاعي كمان فصل كان يوم نحس معنديش غير حل واحد هو أن اروح للبيت ده واطلب المساعدة واكلم اي حد من الفون عندهم يجيلي وفعلاً خدت بعضي وروحت خبطت محدش بيرد خبطت تاني

لحد مالقيت صوت بيقول ايوة غالباً صوت ست

فعلاً طلعت ست كبيرة فتحت ايوة يابني في ايه

انا اسف والله ياحاجه العربية بتاعتي عطلت والفون بتاعي كمان فصل ومفيش غير البيت بتاعك في المكان فاضطريت أن اجي واطلب مساعدتكم

لا يابني ولا يهمك بس للأسف انا معنديش تليفون بس تقدر تتفضل لحد ما الصبح يطلع وساعتها الناس هتكون على الطريق واطلب المساعدة

شكرآ ياحاجه ربنا يخليكي مش عارف اقولك ايه انا اسف في السؤال هو حضرتك لوحدك هنا

اه يابني لوحدي مليش حد في الدنيا كان ليا ابن ومات ربنا يرحمه بس هو معايا دايماً

طبعاً اتاثرت بكلامها وازاي ست كبيرة كده وقاعدة في مكان زي ده لوحدها طيب بتجيب طلباتها منين مين بيخدمها والفضول خدني وسألتها

قالت في ولد كان صاحب ابني في القرية اللي جنبنا متبعدش كتير كل أسبوع ربنا يخليه بيجبلي كل طلباتي شكلك جعان هقوم اعملك حاجه تاكل

لا شكراً ربنا يخليكي يا امي

تقريباً كده اول ماقولت الجملة دي حسيت بزلزال في البيت خفت جداً لقيتها بترد عليا وتقولي متقوليش يا امي قولي ياحاجه

باستغراب شديد طيب ليه

قالت هقوم اعملك تاكل

طبعاً اكل ايه بقى بعد اللي انا فيه ده مبقتش عارف اخد بعضي وأجرى ولا استنى وأمري لله قررت أن أفضل وخلاص النهار قرب يطلع

الست جبتلي الاكل كلت لأن كنت جعان فعلاً

لقيتها بتقولي البيت بيتك انا هدخل جوه امدد جسمي وبعدين انا اتاخرت عليه اوي

بعد الكلمة دي بقيت مش عارف اتلايم على جسمي هو مين ياحاجه اللي اتاخرتي عليه

بص يابني انت ليك واجب الضيافة وملكش تسأل كتير

وراحت داخله الاوضة وسيباني

وانا مذبهل مش عارف اتصرف بقيت خايف منها جدآ بعد عشر دقايق سمعت همس صوت في الاوضه مقدرتش مقربش واسمع واللي سمعته بالظبط كالآتي

(مالك ياحبيبي زعلان ليه مش احنا دايماً اتفقنا نعمل الخير من غير أسباب مآشي هو ميقصدش غريب ياحبيبي ميعرفش هياخد واجبه ونساعده ويمشي ارتاح انت ومتزعلش)

طبعاً الست قيلالي انها لوحدها والغريب سامع صوتها هي بس مفيش حد بيكلمها وانا واقف الفجر إذن خدت بعضي وجريت من غير ماقول انا ماشي طلعت لقيت ناس من القرية المجاورة رايحين المسجد لان المسجد ده كبير وبين القريتين المهم روحت المسجد وبعد الصلاة طلبت من الشيخ يساعدني قلي ثواني الحاج إسماعيل ميكانيكي اهوه

تعالى هخليه يساعدك فعلاً الراجل متاخرش جه معايا وكان ف مشكلة ف العربية تقريباً سلك انفصل شغله والعربية اشتغلت وخدت بعضي صاروخ على البيت ومش حاسس بنفسي ولا باللي شوفته عدا اسبوع كل يوم احلم بالست دي

معرفش ليه لما عقلي خلاص بقى هيقف كان عقلي بيقولي لازم تعرف ايه السبب مبقتش عارف اشتغل ولا اعيش حياتي عادي وفي يوم حلمت بيها بتقولي ساعدني قومت مبقتش عارف اعمل ايه لقيت نفسي من غير تردد بلبس ورايح ليها وكان برضوا الوقت متأخر خبطت مفيش رد خبطت تاني كتير لحد مافتحت

يتبع …

قصة حقيقية حدثت بالفعل

قصة حقيقية حدثت بالفعل الجزء الثاني والاخير

قلتلي انت تاني خير يابني قولتلها في حاجه غريبة بتحصلي من يوم ماشوفتك وانا كل يوم بحلم بيكي وتطلبي مني المساعدة وانا بصراحة خفت اجي من اللي شوفته هنا وسمعته وطبعاً قولتلها على اللي سمعته

ردت بكل بساطة بكلم ابني

ازاى ياحاجه وانتي قيلالي انو مات

ايوة روحه عايشة معايا هنا مسبتنيش

طبيعي انا قولت ست كبيرة عندها مايقارب 70سنة وحيدة وابنها الوحيد مات فبتخرف

فجاءة لقيتها بتقول انا قولتله أن الخير مبيضعش عارف صاحبه اللي كنت بقولك عليه سافر ومبقاش حد بيجيلي ولا بيجبلي حاجه يمكن عشان كده جتلك في المنام تعالى ادخل الجو برد

طبعا انا خايف ادخل بس الست صعبت عليا دخلت قولتلها ممكن طلب

قالت اتفضل

قولتلها ايه روح ابنك اللي عايشة معاكي دي

لقيتها ابتسمت كده بتقولي فاكرني بخرف ومجنونة صح بص يابني انا ابني كنا احنا لتنين كل حاجه لبعض بعد ابوه الله يرحمة في يوم ابني كان في البيت لوحده وانا بجيب طلبات للبيت وقدر ربنا ابني يموت هنا بسبب ماس كهرباء نزل في الحمام مستحملش فمات في وقتها انا طبعآ مكنتش مصدقة عيني لما شوفته بس صبرت وربنا صبرني وعملتله ميت ودفنته جنب البيت في الأرض دي ماحنا لينا فيها وفي ليلة كنت بعيط ووحشني جدا ببص لقيت الباب بيترزع لوحده

وصوت بيقولي وانتي كمان وحشتيني ياما مبقتش عارفة اخاف ولا افرح لقيت نفسي بقول انت هنا يا سمير اه صحيح نسيت اقولك انه اسمه سمير قالي اه ياما هنا جنبك وعمري ماهسيبك الكلام ده بقاله 15 سنة وهو معايا مسبنيش عشان كده لما انت قولت يا أمي زعل والبيت اترج بينا ممكن متكونش مصدقني بس هي دي الحقيقة والكلام اللي سمعته كنت براضي في لانة بيزعل لما بعامل حد زي ابني بس ومبقاش ليا حد في الدنيا غير روحه والبيت والقراطين اللي بجيب ناس تزرعهم واعيش منهم وصاحبه بس دلوقتي مبقاش ليا غيره وبس وانا راضيه بكده

فجاءة سكتت والدموع بتنزل مني من غير ماحس وقولتلها بكل اللي جوايه انا معاكي واعتبريني مكان صاحب سمير من انهاردة طبعآ مقدرش اقولك تيجي تعيشي معايا لأن هيكون غباء مني أن انتي ممكن تفكري تسيبي المكان ده بعد كل اللي قولتيه

ربنا يخليك يابني المكان ده أصله مش بيت عايشه في وخلاص دا روح حبيبي اللي حاسه خلاص اني ريحاله روحه بتنادي عليا لو فضلت تودني زي مابتقول بعد ماموت اتبرع بالبيت والأراضي دي للمحتاجين وتكون صدقة على روح سمير

وفعلاً معداش اسبوع والست ماتت وعملت بالوصيه بتاعتها حسيت بجد ان ربنا ارسلها ليا وأرسلني ليها وعرفت معنى انك تعمل خير ومتندمش عليه دا غير الدرس الكبير اللي الست دي علمتهولي في الحب ع قد ماقلبي وجعني عليها على قد منا فرحان انها راحت لحبيبها

انتهت القصة