قصة واقعية انا اسمي جيهان فتحت عينيا علي الدنيا لقيت ماما قاسيه معايا من غير سبباول مبدات افهم كنت بسمعها تقول جتك القرف وانتي شبه ابوكي هو انا كنت ناقصه عيال علشان ربنا يبتليني بيكي؟,
كنت بزعل اوي من كلامها بس مكونتش بتكلم
اما بابا فكان عكس ماما كان مدلعني الدلع كله وكنت بحبه حب فوق الوصف بس للاسف بابا توفي وانا عندي عشر سنين يعني ملحقتش اشبع منه ولا من حنيته عليا
بس بعد وفاه بابا ماما حسنت معاملتها ليا شويه بس لو عملت اي غلطه كانت علي طول تقول هعمل ايه مانتي طابعه لابوكي ده انتي حتي سوده زيه.. طبعا كنت بزعل انها بتتكلم عن بابا كده وهو ميت.. وكمان علشان بتعايرني بلوني الاسمر الي مليش ذنب فيه
مرت سنين ودخلت الجامعه وقتها بقيت اهتم بنفسي ولبسي.. وطبعا شكلي اتغير جدا. وكانو صحابي مبهورين بشياكتي واهتمامي بنفسي كنت بفرح بس بيني وبين نفسي حاسه اني اقل منهم وان في حاجه نقصاني
ماما دمرت ثقتي بنفسي من صغري ورغم اني حاولت كتير ارجع الثقه دي تاني بس معرفتش
اتقدم لي (ياسر) زميلي في الكليه رغم وسامته وانه كان مطمع لكل البنات وايبنت كانت تتمني انه يكلمها لكن هو اختارني انا بيقول انا الوحيده الي شديته.. وافقت عليه واتخطبنا وكان بيحبني وكريم معايا جدا
لكن كان عنده عيب وحش اوي انه لما بيخرج معايا بيفضل يبص علي كل البنات الي حوالينا ومش عامل اعتبار لوجودي وكنت لما ازعل واقول له انت كده مش بتحترم وجودي.. يرد ويقول لي انتي مريضه نفسيا ومعندكيش ثقه في نفسك انا مش ببص علي حد
بس انا كنت ببقي متاكده انه بيبص علي البنات والموضوع ده زود العقده بتاعتي وعدم ثقتي في نفسي
وفي مره بقلب في موبايله بالصدفه لقيت عنده صور بنات جميله .. ولما سالته قال لي عادي دول بنات خالتي وباعتين لي صورهم ايه المشكله؟.. بصراحه انتي نكديه وبتدوري علي اي حاجه تخلقي منها مشكله
في اليوم ده اتخانقنا انا وياسر خناقه كبيره جدا ورجعت البيت وانا منهاره وقررت اسيبه وفعلا رجعت له شبكته وفسخت الخطوبه اصل ياسر كان بيصحي العقده الي جوايا.. ورغم محاولاته الكتيره انه يصالحني بس انا كنت خلاص اتقفلت من ناحيته
بقيت احاول اثبت اني مرغوبه في اي مكان اروحه
وفي يوم كنت معزومه علي خطوبه (هاله)صاحبتي وطبعا لبست اشيك لبس واول مدخلت القاعه شوفت …
يتبع …
حكاية جيهان
قصة حكاية جيهان الجزء الثاني والاخير
شوفت الاعجاب في عيون كل الموجودين.
كنت بحسد هاله علي خطيبها (هاني) ايش معني هي يكون نصيبها حد كويس وانا وقعت مع شخص زباله .. هي هاله احسن مني في ايه؟ وقررت بيني وبين نفسي اني ابوظ الجوازه بتاعتهم ..علي فكره انا بحب هاله بس كنت غيرانه منها علشان وقعت في حد محترم وفعلا قربت منها اكتر من الاول
ودخلت تحدي اني اثبت لهاله انها مش احسن مني في اي حاجه ولازم كل الدنيا تعرف ان اي حد يتمني يرتبط بيا حتي خطيب صاحبتي.. هاله كانت طيبه اوي
وبدات اطلب منها اننا نخرج احنا التلاته انا وهي وهاني بحجه اني زهقانه وهي وافقت بنيه صافيه .. وكنت بلبس اشيك لبس واهتم بمظهري جدا واحاول الفت انتباه هاني لكن هو كان ولا هو هنا.. كنت طول الوقت بحاول الفت نظره ليا بكل طريقه
بس هو مكانش شايف غير هاله. وده كان بيزود الغيره الي جوايا .. انا بحب هاله بس حياتها مش هتبقي احسن من حياتي
وفي يوم اخدت رقم هاني من موبايل هاله من غير متحس وجبت خط جديد وبدات اكلم هاني من غير ميعرف انا مين في البدايه صدني وقفل في وشي كذا مره بس بعد اصراري بدا يسمعني. وانا بتكلم.. وبعد مخلصت كلامي قال لي علي فكره انا من اول يوم عرفت انك جيهان بس كنت مستني اشوف اخرتها ايه
.. انا ياما حذرت هاله الغلبانه منك بس هي مكانتش مصدفه فقررت اثبت لها كلامي. واهي قاعده معايا وسمعاكي ..وطبعا قفلت السكه وقطعت علاقتي بهاله وهاني ومن اليوم ده زاد الحقد جوايا ناحيه اياتنين مرتبطين وبيحبو بعض..وبقي هدفي افرق بين اي اتنين مخطوبين او حتي متجوزين وبقي اي بيت ادخله ارسم علي الراجل الي فيه.. بقيت اتكلم بمياعه ودلع والفت انتباه ابن خالتي وجوز خالتي واي راجل اشوفه قدامي
وطبعا سمعتي باظت وسيرتي بقت علي كل لسان وصحابي بعدو عني وبقت اي واحده متجوزه تخاف تدخلني بيتها..واي واحده مخطوبه تخاف تعرفني علي خطيبها
حياتي ادمرت ومش عارفه ده ذنبي ولا ذنب ماما والعقده الي اتكونت عندي من وانا صغيره
نصيحتي لكل بنت اتقي ربنا في الناس وفي نفسك واوعي تفتكري ان ربنا بيسيب حق حد وان الي بيفرق بين اي اتنين مرتبطين بتكون نهايته الوحده والناس بتبعد عنه
ولو الحظ خانك في تجربه مره دي مش نهايه العالم .. اخلصي النيه لله وربنا هيبعت لك نصيبك لغايه عندك
تمت انهت القصة
