انا زياد 23 سنه بدرس ف كليه الطب جامعه اسكندريه قصتي تعتبر من النوع الخاص شويه الموضوع معايا كان طبيعي جدا وحياتي مستقره لحد ما دكتور طلب مننا تكليف معين و التكليف دا عليه درجات كويسه كنا متحمسين
جدااااا اعرفكم الاول علي صحابي
ندي / هاني / معتز
احنا الاربعه كنا مع بعض ف الموضوع دا الدكتور طلب مننا اننا هننزل تدريب في المشرحه طبعا الكلام دا عادي او طبيعي ب النسبه ل دكتور انه ينزل مشرحه
اتصلت ب هاني
انا:اي يا ابني هتنزل معانا بكرا
هاني:هنزل فين
انا:لا فوق من اللي بتشربه دا احنا هننزل المشرحه عاوزين نلحق نسلمه للدكتور
هاني:طيب ياعم هنزل معاكو اتجمعو انتو وانا هاجي لكو
انا:تمام هستناك بكرا قدام المشرحه مش هندخل غير لما تيجي و متتاخرش
هاني:خلاص ياعم
قفلت معاه و كلمت ندي و معتز و اتفقنا اننا نروح
حتي الان الوضع طبيعي جداااا لحد ما وصلنا ل عم راضي
مين عم راضي دا اقدم واحد حارس المستشفي هي مستشفي كبيره ف اسكندريه و دا حارس هناك و هو اللي معاه مفاتيح كل حاجه و هو كمان اللي مسئول يوصلنا المشرحه
انا:سلام عليكم يا عم راضي انا الدكتور احمد و دول زمايلي اللي هننزل المشرحه نعمل شويه ابحاث
عم راضي بصي لي :اهلا بس انتم مش صغيرين ع الجثث و الكلام دا
معتز:ياعم انت مالك احنا جاين نتقدم
عم راضي:اه طيب فين الاوراق ولا انتو جايين و خلاص
ندي:اتفضل
هاني وصل متاخر ك العاده
هاني:اسف جدااا يا شباب اي في اي
عم راضي :تعالو معايا
هاني:ماله دا
معتز:انا عارف بقي خلينا نخلص
دخلنا وراه المشرحه لاحظت ان عم راضي بيخبط ع باب التلاجه قبل ما يطلع الجثه
معتز:هو انت بتستأذن من الجثه اننا نشرحها ولا اي
عم راضي:اه ب الظبط كدا انتو جايين ساعتين متعملوش مشاكل
انا:هههههه مع الجثث
عم راضي غضب :اطلعو بره و الورق دا بلوه و اشربو مياته
ندي:خلاص خلاص احنا اسفين بس بقي خلونا نخلص
عم راضي كان مركز قووي مع ندي لما يبص لها بيسرح مش عارف ليه رغم انه مش طايقنا اساسا
عم راضي :كل الادوات عندكم اهي تنضفو مكانكم و لما تمشو تقولو لي و متفتحوش الباب دا متفتحوش الباب دا
كان مشاور علي درج جثه معينه و اكد كذا مره اننا منفتحوش يا تري فيه اي او جثه مين اللي جوه المهم
بداءنا نشتغل و عم راضي طلع بس الجثث شكلها غريب يعني جثه من غير عين جثه تانيه فاضيه من جوه
معتز:الناس دي بتاجر ف الاعضاء ولا اي
انا:هتاجر ف اعضاء ناس ميته انت بتهزر
هاني:الاعضاء بتاعت الناس الميته اغلي بس بيستخدموها ف حاجات خارجه عن الطبيعه جن و حاجات كدا
ندي:انتو هتخوفوني ليه بس ما تخلونا نخلص انا قلقانه من المكان دا و الراجل اللي بره نظراته غريبه ليا
انا:اخدت بالي
معتز:مقلتيش ليه كنت حطيته ف درج من دول
معتز من النوع العصبي جدااا و هاني دماغ تانيه بشرب و القرف و انا ولا بشرب و لا عصبي و ندي زي كدا سمعنا صوت خبط ف درج اللي راضي نبه عليه ان محدش يفتحه خبط عمال يزيد اكن في حد جوه محبوس
معتز:انا هشوف فيه اي
انا:ياعم الراجل قال محدش يفتح دا بذات مش عاوزين مشاكل
هاني:مشاكل اي عم وحد الله دا ب اصغر مشرط هنا ارسمه
الاتنين مسمعوش كلامي و راحو يفتحو الدرج
معتز:ولا الدرج دا مقفول بطريقه غريبه
هاني:شوف حاجه عندك يا زياد نفتحه بيها
انا:خلاص بقي سبوه ا جدعاان
قلت الكلمه دي و الدرج اتفتح معتز و هاني طلعو الجثه
الجثه اللي قدامي هي بنت شعرها طويل جداا بشرتها بيضا ملامح الجمال واضحه عليها قووي شكلها طبيعي لدرجه اني حسيت انها نايمه مش ميته
معتز:راضي خايف عليها مننا ليه هنحسدها مثلا
انا:ياعم رجعها مكانها قبل ما يجي و تبقي مشكله
هاني:اطلع ناديه
ندي:خلاص بقي يا زياد سيبك منهم و احنا نكمل اللي بنعمله النور بدا يترعش حاجات بسيطه ندي مسكت فيا
انا:عادي يا بنتي دي حتي لو النور اتقطع في ديزل متخفيش خلونا نخلص
معتز:تعالو هنا كلكم حااالا
رحنا ل معتز اللي كان بيشتغل علي جثه البنت
معتز:ازاي البنت دي كانت عايشه اساسا دي ماتت بقالها سنين طيب جسمها متحللش ليه و اي التراب الاحمر دا !!!
هاني واقف متنح و انا و ندي مش عارفين نرد
معتز:ما تردو يا دكاتره
صمت و مستغربين
معتز:في حاجه غلط علشان كدا راضي خاف نكشفه انا هوديهم ف داهيه
هاني لمس التراب :التراب دا سخن جدااااا التراب دا مش طبيعي
النور راح خالص و اشتغل النور الازرق ك بديل
النور الازرق دا بيستخدموه ف رفع البصمات او ظهور حاجه مش بتظهر ف النور العادي
بنبص حولينا ف الاضاءه الزرقاه شايفين بصمات اطفال ف كل حته
ندي:هو في اطفال بتدخل هنا
انا:مستحيل
معتز:امال بصمات مين دي
هاني:دي مش بصمات بني ادمين الكف فيه 3 صوابع بس البني ادمين 5
سمعنا صوت بنبص ورانا لقينا البنت دي قامت قعدت طلعنا كلنا جري من بره ع بيوتنا
انا روحت اخدت دش و كلمت ندي
ندي:زياد انا مرعوبه
انا:اكيد مش حقيقي اللي شفناه ارتاحي انتي و بكره نتكلم
ندي:مش حقيقي اي بس انا هسيب الكليه دي من اساسه
انا:بكره نتكلم اهدي بس و متعمليش حاجه غير انك ترتاحي
قفلت معاها و دخلت اوضتي و المفاجاه
شفت راضي قاعد ع السرير ؟؟!!! …
يتبع .
قصة ما زالو احياء الجزء الثاني
انا دكتور زياد او زياد شاب عندي 23 سنه بدرس ف كليه الطب
من اسكندريه قصتي بداءت لما الدكتور طلب تكليف معين و انزل المشرحه اخدو مجموعه من صحابي و نزلت فعلا المشرحه
ندي و هاني و معتز كانو معايا
احداث غريبه حصلت لما دخلنا المكان دا مش هبقي كداب لو قلت انها حاجه خارجه عن الطبيعه و سيبنا كل اللي ف ايدنا و جرينا طبعا كلنا كنا مرعوبين خصوصا ندي نظرات راضي ليها و بعد ما فتحنا الدرج اللي راضي نبه جدااا اننا منفتحهوش
انا روحت البيت اخد دش و بعد كدا كلمت ندي اهديها
قفلت معاها و دخلت اوضتي و المفجاه
شفت راضي قاعد ع السرير ؟؟!!!
انا:انت دخلت هنا ازاي ؟!
راضي بص لي :بص يا ابني انا مش جاي ااذيك ولا حتي بخوفك
انا بحاول اتمالك اعصابي:انت عاوز مني اي
راضي:انا مش عاوز منك حاجه غير انك تبقي ف حالك و متجيش تاني ممكن
انا:ليه علشان الاعضاء اللي مش موجوده انت فاكر اني هسيبك تبقي غلطان مش هسيبك غير لما تتحبس
راضي غضب :انت اللي اختارت مش انا تمام هبقي مستنيك هنااك متتاخرش
لقيته نط من شباك الاوضه انا ساكن ف الدور ال 5 نط ازاي بصيت من الشباك ملقتش حاجه رجعت ل السرير لقيت ندي بعتت لي رساله
“زياد في حاجه غريبه بتحصلي الحقني”
حاولت ارن عليها موبيلها غير متاح الساعه 12 ب الليل اعمل اي فضلت سهران لحد الصبح لقيتها بترن عليا الساعه 8
انا:تليفونك مقفول ليه
ندي:مش مقفول دا حتي امبارح كنت سهرانه بخلص شويه مذاكره مالك في اي و بتزعق ليه
انا:انا رنيت عليكي الف مره و فونك مقفول و اي الرساله اللي بعتيهالي دي
ندي:رساله اي انا مبعتش حاجه وياريت تتكلم معايا ب اسلوب كويس سلام
قفلت السكه و اتضايقت جدااا و لبست ونزلت الكليه
جمعت صحابي هاني و معتز و هاني كلم ندي جات لنا حكيت لهم اللي شفته امبارح
هاني:ولا انت شارب اي
معتز:الصنف حلو شكله
ندي:برضو متزعلقيش انا زنبي اي انك كنت شارب ولا بتحلم حتي
ندي مشيت و سبيتنا و عرفت انها قدمت طلب لدكتور انها تبقي مع جروب تاني غيرنا و الدكتور رفض
معتز:اي يامعلم مالها
انا:والله ما بهزر حتي شوف
طلعت الفون و جيبت الرسايل ملقتش حاجه
هاني:انا بقول تروح ترتاح احسن
معتز:يرتاح اي لازم ننزل المشرحه خلونا نخلص بقي هاني اتصل ب ندي هاتها وانت اعم زياد متكلمهاش ولا حتي تبوص لها خلونا نخلص ع خيير
شويه و ندي جات بعد ما هاني و معتز كلموها و اتحايلو عليها كمان
طلعنا كلنا ع المشرحه و لقينا راضي اول ما شافني لقيته بيضحك
راضي:لسه بتعاند يا ابني ما قلت لك
معتز:بيعاند ف اي في اي اللي حصل ب الظبط
انا سكت معرفتش ارد بس هاني حس اني اللي حكيته له صح
هاني:هندخل ولا جايه بتحقيق ع الصبح
راضي:والله انا عملت اللي عليا عاوزين تدخلو اتفضلو بس الدرج اللي فتحتوه امبارح و طلعتو الجثه عاوز اقول لكم انكم هتندمو علي اللي عملتوه دا اتفضلو ادخلو
معتز :يلا اعم الراجل دا بيخرف والله لو اصغر من كدا كنت علمته الادب
هاني:يلا يلا
مشو قدامي وانا واقف ببص ل راضي و راضي بيبص لي بتحدي
هاني:ياعم انت هتصوره انجز
دخلت معاهم المشرحه المكان مرتب جدااا و نضيف بس فيه ريحه غريبه مش مريحه
ندي:هو مفيش مشرحه غير دي
هاني:ندي خلينا نخلص والنبي هبقي اشوفلك مشرحه ف الساحل الشمالي
ندي:انت بتهزر انا مرعوبه
معتز :يا دكتوره دا شغلنا يلا نبدا
انا:اي الجثه دي ؟؟؟
كان في جثه ع سرير بس متخيطه من كل حته منظرها مفزع
معتز:اي الراجل دا انفجرت فيه قنبله
هاني:شكلها حادثه صعبه قوووي شيل خلينا نشغتل عليها دا هتبقي كويسه جدااا خصوصا لما نعرف فيها اي
شيلت الغطا من عليها من الصدر لحد رجله مكتوب عليها كلام غريب و الظهر كمان
هاني:اي الكلام دا و مين اللي كتبه
انا:مفيش غير راضي
معتز قرب و حاول يفسر الكلام هاني لحقه و حط ايده ع عينه و بقه
معتز:في اي يا ابني
هاني:مظنش انها حاجه كويسه لو قريتها ترتيب الحروف دا غريب شويه
هاني يمكن اكتر واحد فينا بيحب الرعب و بيسمع قصص عن الجان و مش بيخاف بس المره دي شفت نظره خوف ف عنيه قطع تفكيرنا صوت ندي و هي بتقرا الكلام بكل سهوله
ندي:الملك الاول حاكم فصل الشتاء اتباعه الخدام نأمركم بقبول قرباننا اليكم
قررت الجمله دي كتير
هاني:انتي مجنونه يلا بينا من هنا
انا:هنسيب ندي
هاني :لازم نسيبها
معتز شد ندي و رحنا عند الباب بس راضي قفل الباب علينا و ندي اغمي عليها
حاولنا نفوق ندي و هي لسه بتتكلم هاني مسك حاجه و ضربها ع دماغها و فقدت الوعي
انا:انت مجنون اي اللي عملته دا
هاني:ابقي مجنون لو سيبتها تكمل تعاله نشوف الباب دا
حاولنا نفتح الباب بكل الطرق سمعنا صوت قفل و ترباس بيتقفل من بره بسرعه معتز خبط ع كتفي ع اني ابص ورايا
بصيت ورايا لقيت ندي واقفه ع الهو و شعرها طاااير عنيها كانت بيضا تماما و..
يتبع …
قصة ما زالو احياء الجزء الثالث والاخير
انا زياد نهايه قصتي او نهايه الاحداث اللغز كله مع راضي و ندي حتي الان مش عارفين نعمل معاها اي خصوصا بعد ما ربطناها بقي الموضوع مقلق جدااا معتز و هاني معايا و فشلت كل محاولتنا ف الخروج
ف ثانيه المكان بقي هادي و سمعنا صوت جاي من بره حد تقريبا بيفتح الباب
عملنا نفسنا فاقدين الوعي
راضي:نبهتكم وانتو اللي عاندتو معايا ههههههههه
قومنا كلنا وقت واحد
راضي :انتو عايشين ازاااي
الباب اترزع و اتقفل علينا تاني بس المره دي راضي معانا
معتز و هاني هجمو علي راضي اللي كان مصدوم اننا عايشين
راضي:سبوني انا بنفذ اوامر
معتز:اوامر مين و ليه
هاني ربطه ف الكرسي و مسك ادوات التشريح و بدا يعور راضي و راضي بينزف معتز مسك مطهر و اشبه ما يكون بتعذيب راضي بداء يصرخ من الوجع
هاني:ما انت يا تنطق والا اقسم ب الله هموتك ب الطئ انت ناسي اني دكتور ولا اي
راضي:مقدرش هيأذوني لو اتكلمت
انا:مين اللي هيأذيك وليه
معتز بدا يضرب راضي و انا رحت مسكته علشان كان هيموته الاضاءه بداءت تروح خالص و جات بس اللي حصل ان ندي هجمت اتفكيت مش عارف ازاي بداءت تهجم علينا و بتتكلم كلام مش مفهوم علي الرغم من ان بوقها عليه لزق هجمت علينا و راضي اتفك هاني بداء ينزف
معتز هجم علي ندي يمسكها راضي زقه و انا جريت علي راضي امسكه هاني بداء يقاوم و مسك ندي و انا بحاول ارجع راضي بداء صوت خبط حوالينا من كلام ندي معتز و هاني فشلو انهم يوقفو ندي بس هاني ضرب ندي افقدها الوعي تاني
مسكنا راضي و بداءنا نضرب فيه احنا ال 3
معتز:قدامك اختيارين يا تتكلم و نخرج من هنا او هتموت حالا
راضي:دا غصب عني انا حظرت زميلكم دا و انتو مسمعتوش الكلام من الاول
انا:لا ما انت هتتكلم برضو
بداءت اضرب فيه لحد ما حسيت انه هيموت فعلا و هاني مسك مشرط تشريح و حطه ع رقبته
هاني:هتتكلم ولا لا و هتشوف حالا رد الفعل
راضي :خلاص خلاص هتكلم
انا:اتنيل احكي
راضي:المستشفي دي بقالها اكتر من 30 سنه انا بقالي فيها 25 سنه تقريبا ال عشر سنين اللي فاتو كان في دكتور الله يحرقه كان بيعمل عمليات غير مشروعه و كان بيسرق اعضاء من الناس اثناء العمليه بس الفئه الفقيره جدااا لان طبعا دول مش هيشكلو خطوره انا كنت شغال ف المشرحه جالي و طلب مني جزء من حد ميت تحديدااا عينه الشمال رفضت
طبعا عرض عليا مبلغ كبير ف وقت كنت ف اشد الحاجه للفلوس ضعفت و وافقته و المره التانيه و التالته رفضت هددني انه هيبلغ عندي و يقول اني بتاجر ف اعضاء الميتين وفقت لاني عندي عيال و مش عاوز ادخل السجن و ف يوم سألته اعضاء الميت اي لزمتها عندك خلاص الاعضاء و قفت رد عليا قالي يا جاهل دول اهم دول مفتاح الاتصال ب العالم الاخر اي فهمك انت
انا و لا فمت حاجه ولا حتي عاوز افهم و فيوم طلب مني اني اسيب له نسخه من المفتاح معاه طبعا مقدرش اقوله لا وافقت و بما اني مضطر كله بتمنه معرفش الفلوس دي هو جابها من اين بس اللي اعرفه اني تاني يوم دخلت عليه الصبح لقيته متقطع طبعا تحقيقات و نيابه و مين عمل كدا انا قلت لهم انا قفلت و روحت ك العاده كنت فاكر اني خلصت منه عدي اسبوع و الوضع استقر لحد ما ف يوم دخلت المشرحه الباب اتقفل عليا و جثه قامت كلمتني اه قامت عرفت اني هكمل الطريق اللي بداءه الدكتور رفضت طبعا
انا:و جثه البنت اللي منعتنا نشوفها دي اللي كانت ف الدرج
راضي:دي بنتي دي التمن اللي دفعته كنت زي المجنون بعد ما متت رجعت المشرحه نفس الجثه قالت لي انه هيرجع لي بنتي بشرط انفذ كل اللي يطلبه مني
معتز:و التراب الاحمر اللي ف جسمها و نظراتك ل ندي
راضي؛التراب الاحمر دا بعد ما يكمل كميه معينه بنتي هتفوق و ترجع لي و كل ما كان الناس اللي بتموت اكتر كل ما كان اسرع اما زميلتكم اللي معاكم دي شفت فيها بنتي كان نفسي تبقي دكتوره بس مع الاسف
انا:يا مؤمن الانسان لما بيموت بيرجع
راضي:انا كنت زي الغريق بتعلق ب اي حاجه تخليني اشوف بنتي تاني لما يبقي عندك اولاد هتعرف دي كل حاجه سبوني امشي بقي
هاني:ههههههه اسيبك مين يا راجل انا هموتك الاول وبعدين هسيبك
حصل توتر رهيب بصراحه كنا خايفين نقتله اي مش مجرمين حصلت زلزله ف المكان و ندي فاقت و بتتكلم ب صوت غير صوتها
ندي:كلكم ملك لي
الارض بداءت تتفتح تاني و يطلع منها الكائنات الغريبه دي مره تانيه مقدرناش نوصل ل ندي اكن في حاجز منعنا اننا نوصل لها بداءت النار تمسك ف المكان حتي الجثث بداءت تتحرق و تتحول ل رماد مفهمناش حاجه حتي ندي خافت و قعدت ف ركن ف الاوضه ؟؟؟
مفكرتش كتير لان طلع او ظهر شئ ضخم طوله غريبه ليه قرون و حوافر بداءت تظهر جنبه كائنات غريبه كف ايدها فيه 3 صوابع بس
معتز:دول اللي بصامتهم كانت ظاهره علي الاضاءه الزرقاه
انا:اه !!!
هاني:هنعمل اي
بداء الكائن دا يقرب من ندي ببطئ
معتز:ملكش دعوه بيها
معتز مسك راضي :دا اللي انت عاوزه هي مش زيكم
الكائن دا رجع و قرب من معتز رغم انه منظره كان بشع و محدش يستحمل يشوفه من بعيد الا ان معتز مخفش و الاتنين بداءو يبصو ل بعض الكائن دا مسك راضي رماه ع الارض و بداءت الاجسام اللي حواليه تاكل فيه مش بس كدا دول نزلوه معاهم تحت
انا:اعوذ بك ربي من الشيطان و من اتباعه رب العرش خالق الكون ملك الملوك بداءت اذكر رينا كتير لان دا الحاجه الوحيده اللي هتنجيني
هاني و معتز كمان بداءو يقولو معايا و يعلو صوتهم حصل ارتباك ف المكان و الكائنات دي بداءت ترجع جري للحفره و تنزل فيها و الكائن دا فضل و افق باصص لنا
قعدنا ندعي من ربنا اكتر و نقف قدامه بقوه بس منزلش ف الحفره اتحول الي رماد و الرماد بتاعه وقع ونزل ف الحفره
كل حاجه رجعت طبيعيه و راضي اختفي طبعا معتز جري علي ندي يفوقها
ندي:في اي و مين اللي ضربني ع دماغي و ايدي و جعاني هو انا كنت متكتفه
هاني:ضربك اي بس دا انتي اللي اديتي لنا علقه نحلف بيها ههههه
معتز بص ل هاني ع ان كدا خلاص معتز راح ل هاني
معتز:متزعلش مني انا اسف
هاني:لا اعم انا اللي اسف و حصل خير
الاتنين جم نحيتي و اتكلمنا مع بعض شويه اعتذرات كدا و اتصالحنا
ندي:في اي
معتز:هفهمك بعدين المهم ا شباب خطوبتي انا والمجنونه دي الاسبوع اللي جاي
ندي:مجنونه اي اعم لا غيرت رائي
معتز:لا والله وربنا اسيبك هنا
ندي :خلاص بقي امري لله المهم نخرج من هنا و اي اللي ف ايدك دا
هاني:مش بقولك اخدنا علقه حلوه منك ههههه يلا يلا
انا بحط ايدي ع الباب لقيته اتفتح طبعا الفرحه اننا كلنا بخير دي متتوصفش بس حسيت ب خنقه خصوصا ان معتز حضن ندي هاني حس جالي وحط ايده ع كتفي
هاني:يلا بينا يا زياد فعلا خرجنا الدنيا كانت ليل و روحنا عادي جداا الغريب ان مفيش اهل حد مننا اخد باله ازاي معرفش بس الحمد لله اوعي تفتكر انك لما تقول يارب تبقي ضعيف ب العكس قوه ربنا نجتنا احنا ال 4 من غير ما حد يحصله حاجه حتي ندي نسيت و بقت طبيعيه احنا مش علماء دين او ملتزمين قووي ف صلاتنا بس احنا وثقنا ان ربنا مش هيسبنا و فعلا جرب تطلبه ف حياتك هتلاقي حياتك كلها اتغيرت للاحسن او ع الاقل هتحس بنعمه و راحه نفسيه كبيره
قصتي كدا خلصت ندي و معتز اتخطبو و فرحهم انهارده رغم انه صعب اكون موجود بس نفسي اشوفها ب الفستان محدش فينا بياخد كل حاجه او اي حاجه عاوزها بياخدها بس برضو واثق ان ربنا كاتب لي نصيبي كويس …..
هاني:يلا يا بني علشان نلحق الزفه بتكتب اي
انا:خلاص خلصت
تمت انتهت القصة